కేజీబీవీలో విద్యార్థినితో అనుచిత ప్రవర్తన.. ఆలస్యంగా వెలుగులోకి వచ్చిన ఘటన

మోతె, ఆగస్టు 7 ,శుభోదయ డైనమిక్ వార్త

మోతె మండల కేంద్రంలోని కస్తూర్బా గాంధీ బాలికల విద్యాలయం (కేజీబీవీ)లో ఓ యువకుడు విద్యార్థినితో అనుచితంగా ప్రవర్తించేందుకు ప్రయత్నించిన ఘటన ఆలస్యంగా వెలుగులోకి వచ్చింది. మంగళవారం రాత్రి జరిగిన ఈ ఘటనపై పాఠశాల యాజమాన్యం పోలీసులకు ఫిర్యాదు చేయగా, కేసు నమోదు చేసి దర్యాప్తు ప్రారంభించినట్లు సమాచారం.

పాఠశాల ఆవరణలోకి ప్రవేశించిన యువకుడు

పోలీసుల వివరాల ప్రకారం, ఓ యువకుడు రాత్రి సమయంలో కేజీబీవీ పాఠశాల ఆవరణలోకి ప్రవేశించి ఓ విద్యార్థినితో అనుచితంగా ప్రవర్తించేందుకు ప్రయత్నించాడు. విద్యార్థిని అప్రమత్తమై సిబ్బందికి సమాచారం అందించడంతో వారు వెంటనే స్పందించి యువకుడిని అదుపులోకి తీసుకున్నారు.

పోలీసులకు అప్పగింత.. కేసు నమోదు

పాఠశాల సిబ్బంది పట్టుకున్న యువకుడిని వెంటనే మోతె పోలీసులకు అప్పగించారు. ఘటనపై కేసు నమోదు చేసిన పోలీసులు యువకుడిని విచారిస్తూ, పాఠశాల ఆవరణలోకి ఎలా ప్రవేశించాడనే కోణంలోనూ దర్యాప్తు కొనసాగిస్తున్నారు. విద్యార్థినుల భద్రతకు మరింత కట్టుదిట్టమైన చర్యలు తీసుకోవాలని స్థానికులు కోరుతున్నారు.